Smiðja

Við skoðum náttúruna með augunum, höndunum, nefinu...og ímyndunaraflinu! Allir þátttakendur fá úthlutað sínum eigin litla landskika til að vinna með og einn lítinn íbúa. Við þjálfumst í að hugsa í skala og könnum fjölbreyttan efnivið með aðferðum landslagsarkitekta; mjúkan mosa, marrandi steinmöl og gljúpan kork. Smiðjan hefur verið tengd ASMR samskynjun þar sem er aukalega boðið upp á að tónlistarkonan Sóley Stefánsdóttir stilli upp hljóðskynjunarstöð á sviði raftónlistar.